ABŞ-ın bu şəhərində 28 may Azərbaycanın Respublika Günü elan olundu - BƏYANNAMƏ

Oxunma sayı: 352
23-05-2020, 05:54

ABŞ-ın bu şəhərində 28 may Azərbaycanın Respublika Günü elan olundu - BƏYANNAMƏ
ABŞ-ın Florida ştatının Mayami-Deyd şəhərinin meri Karlos Himenez 2020-ci ilin 28 may tarixini Azərbaycanın Respublika Günü elan olunması ilə bağlı Bəyannamə imzalayıb.

Azərbaycan Respublikasının Vaşinqtondakı Səfirliyindən “Report”un xüsusi müxbirinə verilən məlumata görə, şəhər meri Amerikada yaşayan azərbaycanlıların Floridadada güclü iştirakını vurğulayaraq, onların regionda müxtəlifliyə, mədəniyyətlərarası anlaşmaya, sülhə və firavanlığa töhfələrini qeyd edib.

K.Himenez Mayami-Deyd şəhərinin multimədəniyyət müxtəlifliyinə fərdlər və təşkilatların töhfəsini tanımağa səy göstərdiyini bildirib.

Mer dünyada 46 milyondan çox azərbaycanlının son 100 ildə 28 may tarixini əcdadların töhfələrini qeyd etmək üçün Azərbaycan Respublikası Günü qeyd etdiyini, o cümlədən bu cəmiyyəti təbliğ etmək üçün 2006-cı ilin 26 oktyabrında yaradılan Azərbaycan-Amerika Mədəniyyət Assosiasiyasının rolunu xatırladıb.


Bəyannamənin mətnində Azərbaycan Respublikasının universal səsvermə hüququnu təmin edən ilk dövlətlərdən biri olması və ABŞ da daxil olmaqla, digər demokratik dövlətlər tərəfindən tanındığı yazılıb. Şəhər meri bu hadisənin həm də, Mayami-Deyd dairəsi üçün ABŞ ilə Azərbaycan Respublikası arasında münasibətləri qeyd etmək üçün şərəfli fürsət olduğu bildirib.

Mer 28 may 2020-ci il tarixini Azərbaycan Respublikası Günü elan edərək Mayami-Deyd şəhərinin sakinlərini bayrama qoşulmağa, Azərbaycan xalqının səylərini və nailiyyətlərini birgə qeyd etməyə çağırıb.

ABŞ-ın bu şəhərində 28 may Azərbaycanın Respublika Günü elan olundu - BƏYANNAMƏ

Paylaş
Xəbər lentİ