Bakıda sürücü sükan arxasında öldü - Foto

Bakının Xətai rayonunda sürücü sükan arxasında qəfildən ölüb.

Arasdırma.info Apa-ya istinadən xəbər verir ki, hadisə Nobel prospektində qeydə alınıb.

1973-cü il təvəllüdlü Tariyel Əliyev "Mersedes" markalı avtomaşınla hərəkətdə olan zaman qəfildən sükan arxasında infarkt keçirib. Hadisə yerinə təcili tibbi yardım briqadası cəlb olunsa da, onun artıq dünyasını dəyişdiyi məlum olub. Həkimlərin ilkin müayinəsi zamanı T.Əliyevin ürəktutmasından keçindiyi dəqiqləşdirilib.

Faktla bağlı araşdırma aparılır.