Bakıda hündürmərtəbəli binada yanğın olub, 12 nəfər təxliyyə edilib - YENİLƏNİB

Oxunma sayı: 295
5-12-2020, 15:44

Bakıda hündürmərtəbəli binada yanğın olub, 12 nəfər təxliyyə edilib - YENİLƏNİB
Bakı şəhərinin Nizami rayonunda 17 mərtəbəli yaşayış binasında yanğın olub.

Fövqəladə Hallar Nazirliyindən verilən məlumata görə, binanın ikinci mərtəbəsindən damına qədər şaxta boyunca elektrik kabelləri 48 p.m yanıb. Yanğın zamanı 12 nəfər yanğınsöndürənlər tərəfindən təhlükəsiz əraziyə təxliyyə edilib.

Mənzillər yanğından mühafizə olunub.

Yanğın yanğından mühafizə bölmələri tərəfindən söndürülüb.

17:59

Bakı şəhəri, Nizami rayonunda 18 mərtəbəli yaşayış binasında yanğın olub.

Bununla bağlı Fövqəladə Hallar Nazirliyi məlumat yayıb.

Bildirilib ki, nazirliyin Dövlət Yanğından Mühafizə Xidmətinin yanğından mühafizə bölmələri və Xüsusi Riskli Xilasetmə Xidmətinin müvafiq xilasetmə qüvvələri yanğının baş verdiyi əraziyə cəlb olunub.

İlkin məlumata əsasən, binanın şaxtasında elektrik naqilləri yanıb.

Hazırda yanğınsöndürmə işləri və digər təxirəsalınmaz xilasetmə tədbirləri həyata keçirilib.
Yanğın məhdudlaşdırılıb, yanğının yayılma təhlükəsi yoxdur.

Paylaş
Xəbər lentİ