Arasdirma.info

Türkiyə çempionatında qaydalar dəyişdirildi — Komandaların sayı artırıldı

30-07-2020, 00:15

Türkiyə çempionatında qaydalar dəyişdirildi — Komandaların sayı artırıldı
Türkiyənin Gənclər və İdman naziri Mehmet Muharrem Kasapoğlunun iştirakı ilə Türkiyə Futbol Federasiyasının İcraiyyə Komitəsinin iclası keçirilib.
Arasdırma.info apasport.az-a istinadən xəbər verir ki, pandemiyası ilə bağlı yaranan fasilədən sonra davam etdirilən Türkiyə çempionatı ilə bağlı bir sıra qərarlar qəbul olunub.

2019/20 mövsümünün yekununda Super Liqanı tərk etməli olan “Yeni Malatyaspor”, “Kayserispor”” və “Ankaragücü” yüksək dəstədə saxlanılıb. Super Liqaya yüksələn 3 yeni komanda hesabına 2020/21 mövsümündəki iştirakçı sayı 21-ə qaldırılıb. 2021/22 mövsümündə isə bu rəqəm 20-yə düşəcək.

Həmçinin, legioner limitinin 2020/21 mövsümündən dəyişdirilməsi bir illik təxirə salınıb. Qaydalardakı yenilik qarşıdakı mövsüm deyil, sonrakı mövsümdən tətbiq ediləcək.

Federasiya prezidenti Nihat Özdəmir qərarlara aydınlıq gətirərək bildirib ki, Super Liqa ilə yanaşı, 1-ci, 2-ci və 3-cü liqada da aşağı dəstəyə yuvarlanma olmayacaq. Gələn yay Super Liqanı 4 komanda tərk edəcək, 3 klub gələcək və bununla iştirakçı sayı 20-yə endiriləcək. 1-ci liqanın qarşıdakı mövsümündə isə 18 iştirakçı olacaq.

OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
MARAQLI
ŞOU-BİZNES
İDMAN