"Qarabağ" "Qəbələ"yə, "Səbail" "Keşlə"yə qarşı - YENİLƏNİR

Oxunma sayı: 345
17-10-2020, 05:37

"Qarabağ" "Qəbələ"yə, "Səbail" "Keşlə"yə qarşı - YENİLƏNİR
Bu gün Azərbaycan Premyer Liqasında VI tura start veriləcək.

Fanat.Az xəbər verir ki, ilk oyun günündə iki qarşılaşma keçiriləcək.

Turun açılış matçında "Səbail" "Keşlə"ni qəbul edəcək. Rəqibindən bir oyun az keçirən meydan sahibləri 3 xalla sonuncu pillədədir. "Keşlə" 8 xalla 2-3-cü yerləri bölüşdürür. Komandalar indiyədək Premyer Liqada 11 dəfə üz-üzə gəliblər. Bunların 6-da "Səbail", 3-də qonaq komanda qələbə qazanıb. 2 görüş isə heç-heçə yekunlaşıb. Topların fərqində də "Səbail" öndədir - 13:10. Komanda son 3 Premyer Liqa matçında "Keşlə"yə uduzmayıb və iki görüşdə qapısını toxunulmaz saxlaya bilib.

Günün digər matçında son ölkə çempionu "Qarabağ" "Qəbələ"ni qəbul edəcək. Bir oyun az keçirən Ağdam təmsilçisi 5 xalla 6-cı yerdədirsə, "qırmızı-qaralar" 4 xalla 7-ci sırada qərarlaşıb. Bu matç komandaların çempionatda 47-ci dueli olacaq. 23 görüşdə Ağdam klubu, 10 dəfə "Qəbələ" meydanı 3 xalla tərk edib. 13 oyunda heç-heçə qeydə alınıb. Topların fərqində də meydan sahiblərinin aşkar üstünlüyü var - 64:41. "Qarabağ” rəqibinə qarşı son 7 oyunda meydanı qolsuz tərk etməyib. "Qəbələ” isə son 3 səfər maçından xalsız ayrılıb.

17 oktyabr
Azərbaycan Premyer Liqası
VI tur
14:00. "Səbail" - "Keşlə"
Hakimlər: Səbuhi Bayramov, Müslüm Əliyev, Nahid Əliyev, Rauf Cabarov
Hakim-inspektor: İmanxan Sultani
Affa nümayəndəsi: Əsgər Əmirəliyev
"ASCO Arena"

16:00. "Qarabağ" - "Qəbələ"
Hakimlər: Rəşad Əhmədov, Pərvin Talıbov, Cavanşir Yusifov, Elçin Məsiyev
Hakim-inspektor: Ömər Paşayev
Affa nümayəndəsi: Ramiz Mustafayev
"Azersun Arena"

Qeyd edək ki, VI turun "Neftçi" - "Sabah" və "Sumqayıt" - "Zirə" matçları oktyabrın 18-də olacaq.

Paylaş
Xəbər lentİ