Mehriban Əliyeva DTX-nin hərbi hissəsində olub - Fotolar 10:40 01.01.2019 Oxunub: 99

Əsgər Heydər Əliyev anası ilə görüşdü

Dekabrın 31-də Dövlət Təhlükəsizliyi Xidmətinin (DTX) N saylı hərbi hissəsində Dünya Azərbaycanlılarının Həmrəylik Günü və Yeni il bayramı münasibətilə tədbir keçirilib.

Azərbaycan Respublikasının Birinci-vitse prezidenti Mehriban Əliyeva tədbirdə iştirak edib.

Dövlət Təhlükəsizliyi Xidmətinin rəisi, general-polkovnik Mədət Quliyev Dünya Azərbaycanlılarının Həmrəylik Günü və Yeni il bayramı münasibətilə Prezident, Silahlı Qüvvələrin Ali Baş Komandanı İlham Əliyevin adından hərbi hissənin şəxsi heyətini təbrik edib, Vətəni müdafiə etmək kimi şərəfli və məsuliyyətli xidmətlərində zabit və əsgərlərə uğurlar arzulayıb.

Tədbirdən çəkilmiş fotolarda DTX-nin N saylı hərbi hissəsində xidmət keçən Prezident İlham Əliyevin oğlu əsgər Heydər Əliyev də yer alıb. (azərtac)