Nigar Camalın ad günündə. - Fotolar

“Eurovision 2011” qalibi Nigar Camal özünə ad günü edib.

Axşam.az-ın məlumatına görə, 39 yaşını qeyd edən sənətçinin doğum günündə dostları üstünlük təşkil edib.

Məclisdə şou-biznes nümayəndələrindən isə yalnız aparıcılar Afaq Gəncəli, Ranar Musayev, rəqqasə Oksana Rəsulova, şairə Zəhra Bədəlbəyli olub.

Oksana rəfiqəsi olan Nigara ürək sözlərini belə ifadə edib:

“Sən bizim şahzadəmizsən. Həyatda baxımlı, gözəl, mehriban, zərif və səmimi qadınlar çoxdur. Amma elə qadınlar var ki, sadaladıqlarımın hamısı onda cəmləşib. Bu, sənsən. Sənin qəlbini sevirəm, çox təbii insansan. Ağlında nə varsa, dilində də odur. Sən mərdsən, yaxşı anasan, dostsan. Buna görə səni çox istəyirəm. Sənə övladlarının xoşbəxt günlərini görməyi arzulayıram”.

Gecənin irəliləyən saatlarında qonaqlar öz rəqsləri ilə diqqət çəkib. Oksana və Nigarın hind rəqsi isə gecəyə damğa vurub.