“Təcili yardım xəstəmiz öləndən sonra gəlir” - Əhalini təngə gətirən yol

Zərdabın Burunlu, Məlikli və Qoruqbağı kəndinin 5 minə yaxın əhalisi illərdir susuzluqdan əziyyət çəkir.
Üç kəndi birləşdirən yolun ümumi uzunluğu 14 kilometrə yaxındır.
Yolun yararsız vəziyyətdə olması sürücüləri çətin vəziyyətdə qoyur. Onların sözlərinə görə, hər dəfə bu yoldan istifadə etdikdən sonra avtomobillərində texniki nazaslıq yaranır və ustaya müraciət etməli olurlar.
“58 yaşım var. Bu yola bir dəfə də asfalt örtüyü vurulduğunu görməmişəm. Gecəyarısı təcili yardım çağırırsan, gəlmir. Demək olar, xəstəmiz öləndə gəlir”, - deyə kənd sakini qeyd edib.