Azərbaycana 1 milyon gətirən qadınının pulu müsadirə edildi.

Rusiyanın Həştərxan şəhərindən Bakıya gələn qadının çamadanında bəyan edilməmiş pul aşkarlanıb. Həştərxan hava limanının gömrükçüləri qanun pozuntusu aşkar edərək cinayət işi açıblar.

Arasdırma.info qaynarinfo-ya istinadla bildirir ki, Bakıya uçan sərnişinlərin əl yükünə və baqajına baxış zamanı 14 min dollardan artıq məbləğdə pulun qanunsuz çıxarılması aşkar edilib.

Rusiyadan olan qadın nağd pulu bəyan etmədən "yaşıl dəhliz”dən keçmək istəyib. Bununla belə, gömrükçülər onun üzərindən külli miqdarda - 1,2 milyon rubldan çox pul və 95 Azərbaycan manatı, ümumilikdə 14 min dollardan çox pul aşkar ediblər.

Həştərxan hava limanının gömrük postunun rəisinin sözlərinə görə, qadına 10 min dollar qaytarılıb, pulun qalan hissəsi isə müsadirə olunub.

Vətəndaşı cərimə və ya müsadirə gözləyir. Gömrük Xidməti xatırladır ki, 10 min dollardan artıq məbləğin ixracı qadağandır və bəyan edilməlidir.