Gəncədə idmançı intihar edib, yoxsa öldürülüb? - FOTO

Oxunma sayı: 550
14-08-2020, 22:38

Gəncədə idmançı intihar edib, yoxsa öldürülüb? - FOTO
Gəncədə ölüm hadisəsi baş verib.

Arasdırma.info xəbər verir ki, şəhərin Nizami rayonunda yaşayış binasının damında, tavandan asılmış meyit aşkarlanıb. Onun Gəncə sakini, Kamran Qasımov olduğu müəyyən edilib.

Məlumatda sözügedən şəxsin idmançı olduğu və qətlə yetirildiyi iddia edilir.

Məsələ ilə bağlı DİN-in Mətbuat Xidmətinin Gəncə şəhərindəki regional qrupunun baş inspektoru, polis baş leytenantı Eşqin Qasımov “MediaPost”a açıqlamasında bildirib ki, iyul ayının 18-də Gəncə şəhər Baş Polis İdarəsinin Nizami Rayon Polis İdarəsinə bir nəfərin xidməti ərazidəki binalardan birinin damında intihar etməsi ilə bağlı məlumat daxil olub:

"Şəhər Prokurorluğunun və Baş Polis İdarəsinin əməkdaşları hadisə yerində olub, prokuror-kriminalistin və məhkəmə-tibb ekspertinin iştirakı ilə meyitə baxış keçirilib, digər zəruri hərəkətlər yerinə yetirilib.

İlkin araşdırma zamanı müəyyən edilib ki, Gəncə şəhər sakini Kamran Qasımov iyulun 16-da yaşadığı binanın damında özünü asaraq intihar edib.

Faktla bağlı Gəncə şəhər Prokurorluğunda Azərbaycan Respublikasının Cinayət Məcəlləsinin 125-ci maddəsi ( Özünü öldürmə həddinə çatdırma - Təqsirkardan maddi, xidməti və ya sair cəhətdən asılı olmuş zərərçəkmiş şəxsi onunla amansız rəftar etmə, onun ləyaqətini mütəmadi olaraq alçaltma, ona hədə-qorxu gəlmə yolu ilə özünü öldürmə və ya özünü öldürməyə cəhd həddinə çatdırma) ilə başlanan cinayət işi üzrə zəruri istintaq hərəkətləri aparılıb".

“Meyitin ətraflı müayinəsi, xaricinə keçirilən baxışda gözlə görülən xəsarət və xəsarət izlərinin aşkarlanmamış, mərhumun həyat yoldaşından ayrıldığı üçün dərin psixoloji gərginlik keçirməsi nəticəsində intihar etməsinə dair əsaslı dəlillər toplanmışdır. Hazırda faktla bağlı araşdırmalar davam etdirilir”, - o bildirib.Offsideplus.az

Paylaş
Xəbər lentİ