Erməni tibb bacıları bizim əzabımıza gülürdülər - Əsirlikdə olan hərbçi

Oxunma sayı: 308
6-01-2021, 03:10

Erməni tibb bacıları bizim əzabımıza gülürdülər - Əsirlikdə olan hərbçi
Bizə dəhşətli işgəncələr verirdilər.

Arasdırma.info yerli mətbuata istinadən xəbər verir ki, məlumata görə, bunu erməni əsirliyindən qaytarılan Azərbaycan Ordusunun giziri Ömər Ələkbərov deyib. O bildirib ki, ermənilər yaralı əsgərlərin yarasını sıxıb onlara işgəncələr veriblər: "Mən ayağımdan yaralanmışdım. Məni müalicə etmək əvəzinə ermənilər barmağını yarama basıb sümüyə qədər sıxırdılar. Erməni tibb bacıları iynə vuranda iynəni 15-20 dəfə dəriyə salıb çıxarırdı. İynəni dərinin altına yeridirdilər, əzələyə vurmurdular. Mən qışqıranda tibb bacıları gülürdü, bizə əzab verməkdən həzz alırdılar. Xəstəxanada yemək vermirdilər, ancaq su verirdilər ki, ölməyək. İynə ilə sinirlərimizə toxunurdular, özləri bizim bu əzabımıza gülürdülər.

Beynəlxalq Qırmızı Xaç Komitəsi bizimlə görüşdü, maraqlandı. Amma bu işgəncələri onlara demirdim ki, sonra ermənilər nəsə edərlər".

Paylaş
Xəbər lentİ