Krım körpüsündə partlayışda ölənlər var/

Krım körpüsündə törədilən partlayışda, ilkin məlumata görə, üç nəfər ölüb.

Bu barədə Rusiya İstintaq Komitəsi məlumat yayıb.

Hazırda sudan iki nəfərin – qadın və kişinin – meyitləri çıxarılıb, şəxsiyyətləri müəyyənləşdirilir.

Körpüdə partladıldığı deyilən yük maşını və sahibi də müəyyən olunub. Qeyd olunur ki, avtomobil Krasnodar diyarının vətəndaşı olan Boris Yusubovun adına olub. Onun yaşadığı yer üzrə araşdırmalara başlanılıb. Məlum olub ki, həmin adam avtomobili satıb, yeni sahibi isə onu sənədləşdirməyib.

Yük avtomobilinin marşrutu və müvafiq sənədləri də tədqiq olunur. Yol polisindən bildirilib ki, yoxlanışdan keçərkən avtomobilin sürücüsü sakit olub, ancaq maşın rentgendən keçirilməyib.