18 yaşlı tələbə qız anası ilə kosmosa bilet uddu - FOTO11

Şəxsi suborbital gəmi VSS Unity-nin sərnişinləri arasında Karib dənizindən olan tələbə və onun anası təsadüfən kosmosa bilet qazanıb.

Arasdırma.info xəbər verir ki, bu barədə "Daily Mirror" məlumat yayıb.

Antiqua və Barbudadan olan 46 yaşlı Keyşa Şahaff və onun 18 yaşlı qızı Anastasia Myers "Virgin Galactic" kosmik gəmisində suborbital uçuş həyata keçirib. Hər ikisi də təsadüfən gəmiyə minib. 2022-ci ildə Şahaff qızına İngiltərə vizası ilə bağlı problemlərini həll etmək üçün İngiltərəyə uçub. Təyyarədə olan zaman bir reklam görüb və qalib gəlməyə ümid etmədən zarafatla formanı doldurmaq qərarına gəlib.

Bir neçə ay sonra qadın ilk iyirmi finalçı arasında olduğunu öyrənib. Sonra "Virgin" şirkətinin yaradıcısı Riçard Branson Antiquaya onu görməyə gəlib və onu müsabiqədə qalib gəlməsi münasibətilə şəxsən təbrik edib.

Qızı Şahaf kosmosa bilet udduqları üçün çox sevinib. O hesab edir ki, anasının viza problemləri ilə bağlı Londona gəlməsi ilahi təqdirdir.

Onların pulsuz əldə etdikləri biletin tam dəyəri təxminən 350 min funt-sterlinqdir (təxminən 443 min dollar).//publika