110 ölkədə 1,1 milyard insan bununla mübarizə aparır

Birləşmiş Millətlər Təşkilatının İnkişaf Proqramı (UNDP) 110 ölkədə yaşayan 6,1 milyard insandan 1,1 milyardının yoxsulluqla mübarizə apardığını açıqlayıb.

Arasdırma.info xəbər verir ki, 1992-ci il dekabrın 22-də yoxsulluğa qarşı mübarizə ilə bağlı qəbul edilən qərarla Birləşmiş Millətlər Təşkilatı (BMT) 17 oktyabrı Ümumdünya Yoxsulluqla Mübarizə Günü elan edib. Bu kontekstdə BMT təşkil etdiyi tədbirlərlə beynəlxalq ictimaiyyətin diqqətini məsələyə cəlb etməyə çalışır. BMTİP-nin 2023-cü il Qlobal Çoxölçülü Yoxsulluq İndeksinə əsasən, 110 ölkədə yaşayan 6,1 milyard insanın 1,1 milyardı yoxsulluqla mübarizə aparır.

BMTİP-in 2020-2023-cü illəri əhatə edən “Hərəkətsizliyin insani dəyəri” adlı hesabatındakı məlumatlar aşağı gəlirli ölkələrdə yoxsulluğun səviyyəsinin 2020-2023-cü illər arasında artdığını ortaya qoyub. Bu o deməkdir ki, 165 milyon daha çox insan gündə 3,65 dollardan daha az pulla yaşayır.

BMTİP yoxsulluqla mübarizə aparan insanların yaşadığı regionları bilmənin və lazımi siyasətlərin yaradılmasının vacib olduğunu vurğulayır. Dünyadakı hər 6 yoxsul insandan 5-i Sub-Sahara Afrika və ya Cənubi Asiyada yaşayır. Bölgələr üzrə bölgüyə nəzər saldıqda, Sub-Sahara Bölgəsində yaşayanların 47,8 faizinin yoxsulluqla mübarizə apardığı halda, Cənubi Asiyada bu nisbətin 34,9 faiz olduğunu görmək olar.//publika