Berlin fahişəxanalarında ukraynalı qadınlar: Dəhşətli FAKTLAR

Fahişəxana işçiləri arasında müharibə səbəbindən buraya gələn çoxlu gənc ukraynalı qadınlar var.

Bir çox ukraynalı qaçqın Berlində fahişəliklə məşğul olur, baxmayaraq ki, əvvəlcə bunu uzun müddət etməyi düşünmürlər, lakin bu, çox vaxt uzun müddət davam edir.

Arasdırma.infoxəbər verir ki,lent.az-ın xarici KİV-ə istinadən məlumatına görə, adını açıqlamamağı seçən sosial işçi bu hadisənin səbəblərini və fahişəxanalardakı vəziyyəti izah edib. O, 2022-ci ilin fevralına qədər ukraynalı qadınların bu mühitdə az diqqət çəkdiyini, indi isə vəziyyətin dəyişdiyini qeyd edib.


"Hazırda fahişəxanalarda ukraynalı qadınlar 50 faizdir. Müharibə səbəbiylə buraya gələn çox gənc qadınlar var", - o deyib və əlavə edib ki, əvvəllər Berlin fahişəxanalarında ukraynalılar az idi.

Ukraynalı qadınlar digər ukraynalı qadınlardan bu yolla yaxşı pul qazana biləcəklərini eşitdikdən sonra fahişəxanalara yerləşdirilir. Bəzi qadınlar onlayn olaraq işə götürülür, ancaq onlar Almaniyada olduqda.



"Ukraynadan olan qadınların bir çoxunun öz hüquqlarından belə xəbəri yoxdur. Məşğulluq mərkəzindən onlara böyük qorxu aşılanıb. Təxminən 40 yaşlarında bir qadın məsləhətləşmək üçün bizə gəldi. Mən təklif etdim ki, ərizə ilə müraciət etsin. Məşğulluq mərkəzinə müavinət ala bilsin, lakin səlahiyyətlilər onun fahişəliklə məşğul olduğunu bilsə, problemlərin yaranacağından qorxurdu”, - mütəxəssis bildirib.

Sosial işçinin izah etdiyi kimi, fahişəliklə məşğul olan bir çox ukraynalı qadın evsizdir - onların qeydiyyat ünvanı və ya kirayə müqaviləsi yoxdur, dostları və ya müştəriləri ilə işlədikləri qonaq evlərində, otellərdə və ya əxlaqsızlıq yuvalarında yaşayırlar. "Fahişəliyi tərk etmək istəyən qadınlar üçün bu, çox vaxt çox çətin olur, çünki o zaman onlar öz yaşayış yerlərini itirirlər", - mütəxəssis bildirib.

Sosial işçi qeyd edib ki, bir çox qadın öz mühitinə görə bu qapalı dairədən çıxmaqda çətinlik çəkir, onlar fahişəliyi bitirdikdən sonra ünsiyyət sferasını itirəcəklərindən qorxurlar; Onlar həm də başa düşürlər ki, Berlində tapmaq çox çətin olan mənzilləri itirəcəklər. "Çıxmaq istəyən qadınlar adətən bir neçə cəhdə ehtiyac duyurlar", - mütəxəssis vurğulayıb.

Sosial işçinin qeyd etdiyi kimi, bürokratik süründürməçilik, nə ingilis, nə də alman dillərini bilməməsi ukraynalıların Almaniyada normal iş tapmasına mane olur. Buna əlavə olaraq, fahişəliklə məşğul olan bir çox ukraynalı bunun uzun sürməyəcəyini iddia edir. ""Deyirlər ki, bir neçə ay və ya ildən sonra fahişəlikdən imtina edib vətənlərinə qayıdacaqlar, amma bu müddət getdikcə uzanır" mütəxəssis əlavə edib.