Partlayışda yaralananlardan biri vəfat etdi - Foto

Bakıda “Location” gecə klubunda yaralananlardan biri vəfat edib.

Arasdırma.info xəbər verir ki,“Qafqazinfo”nun əldə etdiyi məlumata görə, bu, 1999-cu il təvəllüdlü Eynullayeva Fərqanə Fərhad qızıdır.

O, 5 nömrəli şəhər kliniki xəstəxanasında müalicə alırdı.

Baş Prokurorluğun mətbuat xidmətindən faktı saytımıza təsdiqləyiblər.

Xatırladaq ki, aprelin 3-də saat 03:00 radələrində Tərlan Əliyarbəyov küçəsində yerləşən “Location” klubunda baş verən partlayış nəticəsində 1 nəfər (gecə klubunun əməkdaşı, 1979-cu il təvəllüdlü Maya Axundova) həlak olub, 37 nəfər müxtəlif dərəcəli bədən xəsarətləri alıb.