Azərbaycanda xalçalara hopdurulmuş narkotik aşkarlandı

Oxunma sayı: 167
11-05-2022, 09:17

Azərbaycanda xalçalara hopdurulmuş narkotik aşkarlandı
Bakıda minlərlə kiloqram çəkidə, 85 milyon dollar dəyərində olan narkotik maddələr yandırılaraq məhv edilib.
Arasdırma.info xəbər verir ki, tiryək, heroin, kokainlə yanaşı, rulon formasında materiala hopdurulmuş metamfetamin ("patı") maddəsi xüsusilə diqqət çəkib.
Bununla bağlı hadisə yerində olmuş jurnalist Nail Kəmərli Bakupost.az -a bildirib ki, həmin rulon xalçadır.
"Patı"nı əridib onun iç səthinə bəzi yerlərə çəkib qurudur, sərhəddən bu formada sezdirmədən keçirirlər. Sonra narkotik alverçiləri xalçaya hopdurulmuş narkotiki qaşıyıb ayırır və satır.
Videodan da göründüyü kimi xalçanın bəzi yerləri yumuşaq, bəzi hissələri sərtdir. Mütəxəssis o hissəyə narkotik hopdurulduğunu deyir.
Xüsusi sahədə tonlarla aktlaşdırılmış narkotik maddə komissiyanın nəzarəti altında yandırılıb.//bakupost

Paylaş
Xəbər lentİ