56 yaşlı kişini öldürən şəxs tutuldu

Göyçay sakinini öldürməkdə şübhəli bilinən şəxs saxlanılıb.
DİN-in mətbuat xidmətinin regional qrupundan Bakupost.az -a bildirilib ki, bu gün saat 18 radələrində Göyçay rayonunun Kürdəmiş kənd sakini, 1967-ci il təvəllüdlü Yusifov Şahsən Şahlar oğlunun baş nahiyəsindən aldığı xəsarətlə xəstəxanaya daxil olması, göstərilən tibbi yardımlara baxmayaraq ölməsi barədə polisə məlumat daxil olub.
Keçirilmiş əməliyyat-istintaq tədbirləri nəticəsində Ş.Yusifova əllə xəsarət yetirməkdə şübhəli bilinən 1998-ci il təvəllüdlü Novruz Mahmudov saxlanılıb.
Faktla bağlı cinayət işi başlanılıb.