Türkiyədə azərbaycanlı qadın güllələnib.

Türkiyənin Samsun bölgəsinin Atakum rayonunda yerləşən bağ evində azərbaycanlı qadın 39 yaşlı Jalə Bağırovanın meyiti tapılıb.

Arasdırma.info axar.az-a istinadən xəbər verir ki, qadının döş qəfəsindən güllə yarası aldığı müəyyən edilib.

İddiaya görə, Bağırova birgə yaşadığı Cavid Geçər adlı polis məmuru ilə bağ evində birgə spirtli içki qəbul edib.


Daha sonra polis ayaqyolunda olarkən silah səsi eşidib. O, otağa daxil olduqda Bağırovanın sinəsindən güllə yarası aldığını görüb.

Çağırışla hadisə yerinə gələn ekspertlər qadının Geçərin tapançasından açılan atəşlə öldüyünü müəyyən ediblər. Olayın intihar, yaxud qətl hadisəsi olduğu aydınlaşdırılır.

Saxlanılan polis məmuru barəsində həbs-qətiimkan tədbiri seçilib.