“Top-5”də oynamayan ən bahalı futbolçular

CIES Futbol Observatoriyası “top-5” liqa istisna olmaqla, digər 10 reytinqli çempionatın transfer dəyəri ən yüksək olan futbolçularını açıqlayıb.

Apasport.az saytının məlumatına görə, araşdırma Avstriya, Belçika, Braziliya, Danimarka, ABŞ, Niderland, Portuqaliya, Şotlandiya, İsveçrə və Türkiyə çempionatındakı oyunçuların transfer qiymətinə əsasən aparılıb.

Ən dəyərli oyunçu “Benfika”nın hücumçusu Darvin Nunyesdir. Uruqvay millisinin 23 yaşlı forvardının transfer qiyməti 70,7 milyon avrodur. Ümumilikdə Portuqaliya çempionatında mübarizə aparan 6 oyunçu ilk “10-luq”da özünə yer edə bilib.

Türkiyə Super Liqasının ən dəyərli futbolçusu isə “Qalatasaray”ın hücumçusu Kerem Aktürkoğludur. 24 yaşlı oyunçu 20 milyon avrodan bahadır.

10 çempionata əsasən ən bahalı “10-luq”:
1. Darvin Nunyes ("Benfika", Portuqaliya) - 70,7 milyon avro
2. Antoni dos Santos ("Ayaks", Niderland) - 57,5 milyon
3. Qonçalo İnasio ("Sportinq", Portuqaliya) - 52,2 milyon
4. Kodi Qakpo (PSV, Niderland) - 49,7 milyon
5. Mateus Nunyes ("Sportinq", Portuqaliya) - 49,5 milyon
6. Pedro Qonçalves ("Sportinq", Portuqaliya) - 49,2 milyon
7. Qonçalo Ramos ("Benfika", Portuqaliya) - 42,9 milyon
8. Dioqo Kosta ("Porto", Portuqaliya) - 41,4 milyon
9. Çarles de Ketelaere ("Brügge", Belçika) - 39,9 milyon
10. Sebastien Alle ("Ayaks", Niderland) - 39,6 milyon






Hər çempionatın ən bahalısı:
1. Darvin Nunyes ("Benfika", Portuqaliya) - 70,7 milyon avro
2. Antoni dos Santos ("Ayaks", Niderland) - 57,5 milyon
3. Çarles de Ketelaere ("Brügge", Belçika) - 39,9 milyon
4. Qabriel Barbosa ("Flamenqo", Braziliya) - 38,5 milyon
5. Kərim Adeyemi ("Zalsburq", Avstriya) - 31,1 milyon
6. Kerem Aktürkoğlu ("Qalatasaray", Türkiyə) - 20,3 milyon
7. Alan Velasko ("Dallas", ABŞ) - 20,2 milyon
8. Liel Abada ("Seltik", Şotlandiya) - 18,9 milyon
9. Anders Dreyer ("Midtyulland", Danimarka) - 15,2 milyon
10. Dan Ndoye ("Bazel", İsveçrə) - 15,1 milyon