"Səbail" "Qəbələ"ni məğlub etdi

Oxunma sayı: 16
4-05-2021, 01:00

"Səbail" "Qəbələ"ni məğlub etdi
Futbol üzrə Azərbaycan Premyer Liqasında XXV turun daha bir oyunu keçirilib.

Arasdırma.info xəbər verir ki, "ASCO Arena"da "Səbail" "Qəbələ"ni qəbul edib.

Çimərlik futbolu üzrə FIFA referisi İnqilab Məmmədovun idarə etdiyi görüşün ilk yarısı qolsuz tamamlanıb. 52-ci dəqiqədə "Qəbələ"nin legioneri Merab Giqauri ikinci sarı vərəqəni alaraq, meydandan qovulub. "Səbail" say üstünlüyündən 10 dəqiqə sonra yararlanmağı bacarıb. Amil Yunanov keçmiş komandasını məyus edərək, paytaxt təmsilçisinə qələbə qazandırıb - 1:0.

Bununla da xalını 24-ə çatdıran "Səbail" "Qəbələ"yə çatıb. Hazırda əyalət və paytaxt komandaları 5-6-cı yerləri bölüşdürürlər.

Qeyd edək ki, turun açılış oyununda "Neftçi" səfərdə "Keşlə"ni darmadağın edib - 3:0. Tura mayın 4-də "Qarabağ" - "Keşlə" və "Sumqayıt" - "Sabah" görüşləri ilə yekun vurulacaq.//publika

Paylaş
Xəbər lentİ