AVRO-2020: İngiltərə darmadağınla yarımfinala YÜSƏLDİ

AVRO-2020-də 1/4 final mərhələsinə yekun vurulub.

Arasdırma infonun məlumatına görə, sonuncu yarımfinalçı Romada müəyyənləşib.

İtaliya paytaxtı İngiltərə və Ukrayna millilərinin oyununa ev sahibliyi edib. Görüş böyük britaniyalıların üstünlüyü ilə keçib. Bu hesabda da öz əksini tapıb. Hər iki hissənin əvvəlində erkən qolları sıralayan Qaret Sautqeytin yetirmələri böyükhesablı qələbə qazanıb. İngiltərə yığması bu qələbə ilə Londonda keçiriləcək yarımfinala vəsiqə əldə edib.

Qeyd edək ki, AVRO-2020-nin yarımfinal oyunları iyulun 6-7-də keçiriləcək.

AVRO-2020
1/4 final
3 iyul
23:00. Ukrayna – İngiltərə – 0:4
Qollar: Harri Keyn, 4, 50, Qari Maquayr, 46, Cordan Henderson, 63
Baş hakim: Feliks Brix (Almaniya)
Roma Olimpiya Stadionu