Deputat yüksək qiymətlərdən GİLEYLƏNDİ: "Təzə meyvələrdən ala bilmədim"

Oxunma sayı: 12
23-06-2022, 01:44

Deputat yüksək qiymətlərdən GİLEYLƏNDİ: "Təzə meyvələrdən ala bilmədim"
"Yüksək əmək haqqı alan bir insan kimi etiraf edim ki, mən imkan edib yeni çıxan meyvələrdən ala bilməmişəm".

Arasdırma.info xəbər verir ki, bunu Axar.az-a açıqlamasında millət vəkili Fəzail Ağamalı deyib.

O bildirib ki, Bakıda bazar qiymətləri fantastik həddədir:

“Rayonları deyə bilmərəm, amma Bakıda bazar qiymətləri fantastik həddədir. Gilasın qiyməti 8-10 manat aralığında dəyişir. Belə şey olar?!”.

O bildirib ki, bazarda qiymətlərə müdaxilə etmək imkanları olmadığı üçün təəssüf edir:

“Bu gün tək meyvə deyil, bütün ərzaq məhsullarında bahalaşma var. Vaxtilə 1 manata aldığım təndir çörəyini dünən 1.50 manata aldım. Düzdür, dünyada qiymət artımı çox sürətlə gedir. Azərbaycan da dünyadan təcrid olunmuş vəziyyətdə deyil. Amma təəssüflər olsun ki, Azərbaycanda istehsal olunan məhsullarda belə möhtəkirlərin insanların əzabı üzərində çox pul qazanmaq kimi eybəcər istəklərini görürük. Bununla bağlı müvafiq qurumlar hərəkətə keçməlidirlər”.

Paylaş
Xəbər lentİ