Arif Hacılının oğlu həbs edildi - FOTO

Müsavat başqanı Arif Hacılının oğlu Orxan Hacılı həbs edilib.

Arasdırma.info Unikal.az-a istinadən xəbər verir ki, bu barədə Arif Hacılı özü məlumat verib. Orxan Hacılı barəsində 48 saat müddətində şübhəli şəxs qismində saxlanılma tədbiri seçilib.

Xatırladaq ki, Orxan Hacılı Yasamal rayonu ərazisində, Hüseyn Cavid prospektində qəza törədib. Onun qəzanı sərxoş halda törətdiyi, qəza nəticəsində xəsarət alanların olduğu, avtomobillərə ziyan dəydiyi bildirilir.

İddialara görə, Orxan Hacılı hadisəni törədəndən sonra hadisə yerindən yayınıb.