Saçları səbəbindən qızcığaza "Boris Conson" deyirlər...

"Bu sindrom, əsasən, uşaqlıq dövründə, anadan olandan üç yaşınadək inkişaf edir, lakin 12 yaşında da rast gəlinə bilər..."


"Belə saçlara qulluq etmək, insanların buna münasibəti bəzən əsl sınağa çevrilir..."

"Bu nadir xəstəlikdən dünyada cəmi 100 adam əziyyət çəkir..."

Balaca qızcığaz qıvrım saçlarına görə "xovlu" və "Boris Conson" adını daşıyır, çünki o, dünyada "daranmayan saçlar sindromu" olan 100 adamdan biridir.

Arasdırma.info xəbər verir ki, bu barədə "The Sun" nəşri yazıb.

Üç yaşlı Leyla Devis körpə ikən daranması mümkün olmayan sarışın saçlarına görə qəzet başlıqlarına düşüb.

Leylaya "daranmayan saçlar sindromu'' diaqnozu qoyulub. Bu, saçların quru, qıvrım və daramaq cəhdlərinə tabe olmayan vəziyyətdir.

Bu sindrom uşaqlıq dövründə, əsasən, anadan olandan üç yaşınadək inkişaf edir, lakin 12 yaşında da özünü büruzə verə bilər.

Bu xəstəlik inkişaf edən uşaqların bir qayda olaraq Leyla kimi saçı sarışın olur və dünyada cəmi 100 adamda rast gəlinir.

İki övlad anası olan Şarlotta Devis deyir ki, Leylanın saçları bir qədər uzansa da, son ildə onların vəziyyəti yaxşılaşmayıb.

Bu nadir xəstəlik çətinliklərlə bağlıdır. Saçlara qulluq etmək sınağa çevrilə bilər, lakin onun qızının vəziyyətinə insanların münasibəti də ağır ola bilər.

O, deyir: "Məktəb yoldaşları saçlarına görə ona "xovlu" deyir, çünki sinifdə daha bir Leyla da var. Digər uşaqlar buna neqativ yanaşmır, bu o deməkdir ki, o, çox xoşbəxt qızdır, utanc hissi keçirmir və hamı ilə ünsiyyətdə olur.

O, ilk dəfə ötən ilin fevralında saçlarını kəsdirib, indi biz onları hörə bilirik, lakin bunu tez-tez etmirik, çünki onları həddən artıq dartmaq istəmirik, onun saçları çox kövrəkdir və qırıla bilər.

O, elə yaşdadır ki, daha çox suallar verir, sanki hər gün saçlarının hörülməsini istəyir və nədən bunu edə bilməyəciyimiz barədə soruşur. Mən ona deməliyəm ki, onun saçları başqa cürdür və onlara qayğı göstərməliyik".

Qız həmçinin bəzən Alvert Eynşteynlə müqayisə edilir. Şarlotta deyir ki, Leylanın saçları barədə əsasən böyüklər danışır, bir neçə dəfə onlar icazəsiz onun saçlarına toxunub.

O, izah edib: "Deyəsən, insanlar düşünür ki, ona əl uzadıb toxunmaq olar, mən buna razı olmasını ona öyrətməliyəm, üç yaşlı körpəyə insanların nədən onun saçlarına toxunmaq istəyə biləcəklərini izah etmək mənə çətindir.

Mən həmçinin ona demək istəyirəm ki, insanlar soruşmadan ona toxuna bilməz, amma üç yaşı olduğundan onu qorxutmaq istəmirəm. İnsanlar heç vaxt nəsə pis bir şey düşünmür, sadəcə, əl uzadıb bunu hiss etmək istəyir".

Dövrü olaraq arzuolunmaz diqqətə rəğmən, Şarlotta deyir ki, Leyla qayğısız körpə qızcığazdır, mahnı oxumağı və rəqs etməyi sevir.

Şarlotta "İnstagram"da "Laylas-Locks" adlı akkaunt açıb və deyir ki,, onların əldə etdiyi dəstək heyrət doğurub.

O, deyir: "Bir çox insanlar dünyanın hər yerindən ona məktublar yazır, bunun sayəsində Leyla tanınır, onun vəziyyətini və daha kimsələrin belə xəstəlikdən əziyyət çəkdiyini bilir".

Bu vəziyyət "şüşə saçlar" kimi də bəllidir və adətən zamanla, yeniyetmə yaşınadək yaxşılaşır.

"Mən ümid edirəm ki, onun saçları dəyişməyəcək və bir qədər uzanacaq. Mən, sadəcə, istəyirəm ki, onun xoşuna gəlsin, çünki o, böyüyəndə uşaqlar ona irad tutacaq.

Sizin ana kimi vəzifəniz öz övladlarınızı istənilən vəziyyətə hazırlamaqdır və mən ümid edirəm ki, o da mənim kimi zirək olacaq", - qadın əlavə edib.//moderator