Hüseyn Abdullayev həkim nəzarətindədir - RƏSMİ AÇIQLAMA - YENİLƏNİB

Ədliyyə Nazirliyi həbsdə olan sabiq deputat Hüseyn Abdullayevin infarkt keçirməsi barədə yayılan xəbərlərə reaksiya verib.

Nazirliyin mətbuat xidmətindən Lent.az-ın sorğusuna cavab olaraq bildirilib ki, Hüseyn Abdullayev bu il avqustun 2-də ürək nahiyəsində olan narahatçılıqla bağlı Bakı İstintaq Təcridxanasının tibb sanitariya hissəsinə müraciət edib.

Həkim-kardioloq tərəfindən müayinə aparılıb, həmçinin, ürəyin elektrokardioqrafiyası, daha sonra isə exokardioqrafiyası müayinəsi nəticələrinə əsasən miokard infarkt keçirməsi təsdiqlənməyib.