GENERAL VƏZİFƏDƏN AZAD OLUNDU, YERİNƏ POLKOVNİK GƏTİRİLDİ - MN-də dəyişiklik

Müdafiə Nazirliyində daha bir general vəzifədən azad olunub.

Arasdırma.info xəbər verir ki, Müdafiə Nazirliyinin Kadrlar İdarəsinin rəisi, general-mayor Elçin Xəlilov tutduğu vəzifədən çıxarılaraq sərəncama götürülüb.

Məlumata görə, generalın yerinə artıq təyinat da var. Başqa əmrlə polkovnik Azər Heybətli sözügedən idarənin rəisi təyin edilib.

Azər Heybətli Azərbaycanın Böyük Britaniyadakı hərbi attaşesi olub(qafqazinfo).

Qeyd edək ki, general Elçin Xəlilovun qardaşı Fuad Xəlilov da Ali Hərbi Məktəbin maliyyə xidməti rəisi işləyib. Bir müddət əvvəl Fuad Xəlilov Müdafiə Nazirliyindəki 143 milyonluq yeyinti ilə bağlı məhkəmədə şahid qismində ifadə vermişdi.//unikal