Təhsildə abunə soyğunçuluğu: qəpiklər necə milyonlara çevrilir?

Bəzi xarici ölkələrdə çap mətbuatına - qəzet və jurnallara kütləvi abunə yazılışı həyata keçirilir ki, həmin media orqanlarının bu yolla yayılması onlara müəyyən qazanc gətirir. Bəs Azərbaycanda vəziyyət necədir?

Arasdırma.info xəbər verir ki, şair Emin Piri yalnız təhsil sektorunda qəzet və jurnala abunəlikdə mövcud olan boşluqlara diqqət çəkib.

O, ölkə təhsilində milyonlarla manatlıq abunə soyğunçuluğunun olduğunu iddia edib:

"Hə, Azərbaycan təhsilində bir abunə soyğunçuluğu var ki, qəpik-qəpik görünsə də ildə milyonlarla manata çatır.

Ümumiyyətlə, müəllim hansı qəzet və jurnala abunə olduğunu belə bilmədiyi halda hər ay maaşının bir hissəsini bu abunə soyğunçuluğuna qurban verir".

E. Piri bildirib ki, hər gün yaradılan, kimsəyə lazım olmayan jurnalların haqqı müəllimlərin cibində "çatlayır".

Məsələ ilə bağlı aidiyyatı qurumların mövqeyini yayımlamağa hazırıq.//publika