Polis Ronaldunun oğlu ilə bağlı araşdırma aparır

Portuqaliyanın hüquq-mühafizə orqanları “Yuventus”un futbolçusu Kriştianu Ronaldunun 10 yaşlı oğlu Cunior Ronaldu ilə bağlı araşdırmaya başlayıb.

Bu barədə “The Sun” nəşri məlumat yayıb.

Asayiş keşikçiləri kiçik Ronaldunun müstəqil şəkildə hidrosikl sürdüyü videonu araşdırır.



Videonu K.Ronaldunun bacısı mobil telefonuna çəkərək, “Instagram”a yerləşdirib.

Portuqaliya qanunlarına əsasən, yeniyetmələr hidrosikl idarə edə bilməz.

Bu qaydaları pozan şəxsləri 3 min avroya (5 700 manat) qədər cərimə gözləyir.//Cahantv.az