Almaniyada terror aktı törədən islamofob şəxslə bağlı yeni detallar AÇIQLANDI

Maqdeburq hücumçusu bir il əvvəl sosial şəbəkələrdə 20 təsadüfi almanı öldürmək planları haqqında yazıb. Bunu görən istifadəçilərdən biri Berlin polisinə məlumat verib.

Arasdırma.info xəbər verir ki,Cahantv.az-ın məlumatına görə, bu barədə "Svejesti" "Telegram" kanalı xəbər verib.

Bildirilir ki, Talib əl-Əbdülmöhsinin "Twitter"dəki hədələri ABŞ-nin Nyu-Cersi ştatından olan amerikalının diqqətini çəkib. Buna görə o, 2023-cü ilin sentyabrında Berlin polisinə vəziyyətin ətraflı təsviri ilə elektron məktub göndərib, Talibin adını, doğum tarixini və Maqdeburqda ehtimal olunan yaşayış yerini göstərib.

Nyu-Cersi ştatının sakini həmçinin polislə münaqişəyə görə Almaniya hökumətinə qəzəbli olan Talibi sakitləşdirməyə çalışıb və okeanın o tayında olduğu üçün heç nə edə bilməməyindən çox narahat olub.

Qeyd olunur ki, 15 ay əvvəl edilən bu xəbərdarlığın Almaniyanın hüquq-mühafizə orqanlarına çatıb-çatmadığı hələ də aydın deyil.

Bundan əlavə, "Spiegel" xəbər verir ki, Səudiyyə Ərəbistanı Almaniya hökumətinə Maqdeburq terrorçusu ilə bağlı üç xəbərdarlıq göndərib, lakin bunlar nəzərə alınmayıb.