Tutuquşu ərin xəyanətindən arvada danışdı və şoka düşən qadın məhkəməyə üz tutdu...

Arasdırma.info “Komsomolskaya pravda”ya istinadən xəbər verir ki, 50 yaşlı İsrail iş adamı, firavan bir ailənin başçısı, gənc katibəsi ilə müəyyən münasibətlər qurur və danışan tutuquşu bu barədə onun arvadına xəbər verib.

Koronavirus epidemiyası səbəbiylə özünü təcrid etdiyi zaman, kişi evdən işləyir, ofisini idarə edirdi. Ancaq divarın arxasında ən sevdiyi ev heyvanı - danışan bir tutuquşunun qəfəsdə olduğunu qətiyyən düşünməyib. Bir müddətdən sonra iş adamının arvadı 15 ildə bütün ailə üzvlərinin adlarını öyrənən quşun tez-tez tanımadığı bir qadın adı tələffüz etməyə başladığını görür.

Həyəcanlanmış arvadının suallarına cavab verən ər, bu yaxınlarda yeni bir katibəni işə götürdüyünü və tez-tez iş məsələlərində onunla danışmalı olduğunu deyir. Qadın cavabdan razı qalmır və özəl dedektiv xidmətinə müraciət edir.

Bir müddət sonra ona ərinin xəyanətini təsdiqləyən foto və videolar hesabat verilir.

Təhqir olunan qadın məhkəməyə müraciət edərək boşanma tələb edib. Üstəlik, nikah müqaviləsinin şərtlərinə görə, həyat yoldaşı ona 2 milyon şekel ödəmək məcburiyyətindədir.

Öz növbəsində, tutuquşusu tərəfindən"satılan” uğursuz iş adamı ailəni dağıtmamaq üçün ikinci bir şans diləyir və yaxşılaşacağına söz verir.//moderator