“Pfizer” tərəfindən hazırlanan peyvəndin ölümcül təsirləri var? - Yeni İDDİA

"BioNTech” tərəfindən hazırlanan "Comirnaty” adlı koronavirus peyvəndinin ölümcül yan təsirləri olduğu iddiası böyük səs-küyə səbəb olub.

Arasdırrma.info xəbər verir ki, peyvəndi dərindən araşdıran və onun mümkün yan təsirlərini müzakirə edən Avropa Dərman Agentliyi "Comirnaty”nin multisistem iltihab sindromuna səbəb olması ilə bağlı iddiaları təkzib edib.

Dünyada milyonlarla insanın ölümünə səbəb olan koronavirus pandemiyasına qarşı hazırlanmış peyvəndləri vaxtaşırı yoxlayan və onun mümkün yan təsirlərini müzakirə edən Avropa Dərman Agentliyi (EMA) yeni məqalə dərc edib.

Məqalədə pr. Uğur Şahin və Özlem Türecinin ortaq qurduğu "BioNTech” şirkətinin və "Pfizer” tərəfindən hazırlanan koronavirus peyvəndi "Comirnaty”inin multisistem iltihab sindromuna səbəb olduğu iddialarının qiymətləndirildiyi bildirilib.

Qiymətləndirmə nəticəsində "Comirnaty” ilə bu xəstəlik arasında əlaqə üçün kifayət qədər dəlil və sübut olmadığı açıqlanıb. Digər tərəfdən, ürəkdə iltihaba səbəb olan miokarditlə bağlı araşdırmaların davam etdiyi qeyd edilib.//sfera