Filllərin dörd saatdan artıq işlədilməsi qadağan edildi

Şri-Lankada fillərin hüquqlarını qoruyan qanun layihəsi qəbul olunub.

“Haber Global” bildirir ki, qanuna əsasən, heyvanların 4 saatdan artıq və gecə saatlarında işlədilməsi qadağan edilib.

Bununla yanaşı, artıq hər bir fil üzərində onun təsviri və DNT möhürü olan “şəxsiyyət vəsiqəsi”nə sahib olmalıdır.

Həmçinin, yeni qanun hər filin gündə 2.5 saat çimizdirilməsini və 6 aydan bir tibbi yoxlanışdan keçirilməsini nəzərdə tutur.